ಬಸ್‌ ಪ್ರಯಾಣ ದರ ಏರಿಕೆಯ ಬೆನ್ನಲ್ಲೇ KSRTC ಸಾಂದರ್ಭಿಕ ಒಪ್ಪಂದದ ಬಸ್‌ ದರಗಳಲ್ಲೂ ಹೆಚ್ಚಳ; ನವೆಂಬರ್ 8 ರಿಂದ ಹೊಸ ದರ ಜಾರಿ

ಬಸ್‌ ಪ್ರಯಾಣ ದರ ಏರಿಕೆಯ ಬೆನ್ನಲ್ಲೇ KSRTC ಸಾಂದರ್ಭಿಕ ಒಪ್ಪಂದದ ಬಸ್‌ ದರಗಳಲ್ಲೂ ಹೆಚ್ಚಳ; ನವೆಂಬರ್ 8 ರಿಂದ ಹೊಸ ದರ ಜಾರಿ

ಬಸ್‌ ಪ್ರಯಾಣ ದರ ಏರಿಕೆಯ ಬೆನ್ನಲ್ಲೇ KSRTC ಸಾಂದರ್ಭಿಕ ಒಪ್ಪಂದದ ಬಸ್‌ ದರಗಳಲ್ಲೂ ಹೆಚ್ಚಳ; ನವೆಂಬರ್ 8 ರಿಂದ ಹೊಸ ದರ ಜಾರಿ

#KSRTC #BusFareHike #KarnatakaTransport #ContractBus #BusHireCharges #TransportNews #KarnatakaNews #PublicTransport #BusRental #Airavat #Rajahamsa #Ashwamedha #BusBooking #FareRevision #KSRTCUpdate #TravelNews #Karnataka #Bengaluru #TransportDepartment #PublicConcern

ಇತ್ತೀಚೆಗಷ್ಟೇ ರಾಜ್ಯ ಸರ್ಕಾರ ಬಸ್ ಪ್ರಯಾಣ ದರವನ್ನು ಹೆಚ್ಚಿಸಿ ಸಾರ್ವಜನಿಕರ ಆಕ್ರೋಶಕ್ಕೆ ಗುರಿಯಾಗಿದ್ದರೆ, ಇದೀಗ ಕೆಎಸ್‌ಆರ್‌ಟಿಸಿ ಮತ್ತೊಮ್ಮೆ ಜನರಿಗೆ ಹೆಚ್ಚುವರಿ ಹೊರೆ ಹಾಕಿದೆ. ಮದುವೆ, ಧಾರ್ಮಿಕ ಕಾರ್ಯಕ್ರಮ, ಶೈಕ್ಷಣಿಕ ಪ್ರವಾಸ, ಉದ್ಯೋಗಿಗಳ ಸಂಚಾರ ಹಾಗೂ ಇತರ ವಿಶೇಷ ಕಾರ್ಯಕ್ರಮಗಳಿಗಾಗಿ ಬಾಡಿಗೆ ಆಧಾರದಲ್ಲಿ ಬಸ್‌ಗಳನ್ನು ಬುಕ್ ಮಾಡಿಕೊಳ್ಳುವ ಸಾರ್ವಜನಿಕರು ಈಗ ಇನ್ನಷ್ಟು ಹಣ ಪಾವತಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಡೀಸೆಲ್ ಹಾಗೂ ಸಿಬ್ಬಂದಿ ವೆಚ್ಚ ಹೆಚ್ಚಳವನ್ನು ಕಾರಣವಾಗಿ ಉಲ್ಲೇಖಿಸಿರುವ ನಿಗಮ, ಸಾಂದರ್ಭಿಕ ಒಪ್ಪಂದದ ಬಸ್ ದರಗಳನ್ನು ಪರಿಷ್ಕರಿಸಿದ್ದು, ಈ ನಿರ್ಧಾರವು ಈಗಾಗಲೇ ಹೆಚ್ಚುತ್ತಿರುವ ಜೀವನ ವೆಚ್ಚದ ನಡುವೆ ಸಾರ್ವಜನಿಕರ ಜೇಬಿಗೆ ಮತ್ತೊಂದು ಹೊರೆ ತಂದಿದೆ .

ಇತ್ತೀಚೆಗಷ್ಟೇ ರಾಜ್ಯ ರಸ್ತೆ ಸಾರಿಗೆ ನಿಗಮಗಳ ಸಾಮಾನ್ಯ ಪ್ರಯಾಣಿಕರ ಬಸ್‌ ಭಾಡಿಗೆ ಹೆಚ್ಚಳದ ಬಿಸಿ ತಣಿಯುವ ಮುನ್ನವೇ, ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ (KSRTC) ಮತ್ತೊಂದು ದರ ಪರಿಷ್ಕರಣೆಗೆ ಮುಂದಾಗಿದೆ. ಸಾಂದರ್ಭಿಕ ಒಪ್ಪಂದದ (Contract Carriage) ಆಧಾರದ ಮೇಲೆ ನೀಡಲಾಗುವ ಬಸ್‌ ಸೇವೆಗಳ ಪ್ರತಿ ಕಿಲೋಮೀಟರ್ ದರವನ್ನು ನಿಗಮ ಹೆಚ್ಚಿಸಿದ್ದು, ಪರಿಷ್ಕೃತ ದರಗಳು ನವೆಂಬರ್ 8, 2026ರಿಂದ ಜಾರಿಗೆ ಬರಲಿವೆ.

ಡೀಸೆಲ್ ದರ ಏರಿಕೆ, ಸಿಬ್ಬಂದಿ ವೆಚ್ಚ ಮತ್ತು ಕಾರ್ಯಾಚರಣಾ ವೆಚ್ಚದಲ್ಲಿ ಉಂಟಾಗಿರುವ ಹೆಚ್ಚಳವನ್ನು ಉಲ್ಲೇಖಿಸಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದು ನಿಗಮದ ವ್ಯವಸ್ಥಾಪಕ ನಿರ್ದೇಶಕರು ಹೊರಡಿಸಿರುವ ಸುತ್ತೋಲೆಯಲ್ಲಿ ತಿಳಿಸಲಾಗಿದೆ. ರಾಜ್ಯದೊಳಗಿನ ಪ್ರವಾಸಗಳು, ಶಾಲಾ-ಕಾಲೇಜುಗಳ ಪ್ರವಾಸ, ಮದುವೆ ಸಮಾರಂಭಗಳು, ಕಂಪನಿ ಸಿಬ್ಬಂದಿ ಸಂಚಾರ ಮತ್ತು ಇತರ ವಿಶೇಷ ಕಾರ್ಯಕ್ರಮಗಳಿಗಾಗಿ ಸಾಂದರ್ಭಿಕ ಒಪ್ಪಂದದಡಿ ಬಸ್‌ಗಳನ್ನು ಪಡೆಯುವವರಿಗೆ ಈ ಪರಿಷ್ಕೃತ ದರಗಳು ಅನ್ವಯವಾಗಲಿವೆ.

ಹೊಸ ದರ ಪಟ್ಟಿಯಂತೆ ಕರ್ನಾಟಕ ಸಾರಿಗೆ, ಅಶ್ವಮೇಧ, ರಾಜಹಂಸ, ನಾನ್ ಎಸಿ ಸ್ಲಿಪರ್, ಪಲ್ಲಕ್ಕಿ, ಐರಾವತ ಕ್ಲಬ್ ಕ್ಲಾಸ್, ಐರಾವತ ಮಲ್ಟಿಆಕ್ಸಲ್ ಹಾಗೂ ಅಂಬಾರಿ ಉತ್ಸವ ಸೇರಿದಂತೆ ವಿವಿಧ ವರ್ಗದ ಬಸ್‌ಗಳ ಪ್ರತಿ ಕಿಲೋಮೀಟರ್ ದರವನ್ನು ಹೆಚ್ಚಿಸಲಾಗಿದೆ. ವಿಶೇಷವಾಗಿ ಐಷಾರಾಮಿ ಹಾಗೂ ಮಲ್ಟಿಆಕ್ಸಲ್‌ ಬಸ್‌ಗಳಿಗೆ ದರ ಏರಿಕೆಯ ಪ್ರಮಾಣ ಹೆಚ್ಚು ಕಂಡುಬಂದಿದೆ.

12 ಗಂಟೆಗಳ ಅವಧಿಗೆ ರಾಜ್ಯದೊಳಗೆ ಮಾತ್ರ ನೀಡಲಾಗುವ ವಿಶೇಷ ಒಪ್ಪಂದ ಸೇವೆಗಳ ದರಗಳನ್ನೂ ಪರಿಷ್ಕರಿಸಲಾಗಿದೆ. ರಾಜಹಂಸ ಬಸ್‌ಗೆ 14,800 ರೂ., ಐರಾವತ (BS-IV B8R) ಬಸ್‌ಗೆ 24,000 ರೂ. ಹಾಗೂ ಐರಾವತ ಕ್ಲಬ್ ಕ್ಲಾಸ್ ಮಲ್ಟಿಆಕ್ಸಲ್ ಬಸ್‌ಗೆ 29,000 ರೂ. ನಿಗದಿಪಡಿಸಲಾಗಿದೆ.

ಆದಾಗ್ಯೂ, ಈ ಆದೇಶ ಹೊರಡುವುದಕ್ಕೂ ಮೊದಲು ಬುಕಿಂಗ್ ಮಾಡಿಕೊಂಡಿರುವ ಗ್ರಾಹಕರಿಗೆ ಹಳೆಯ ದರವೇ ಅನ್ವಯವಾಗಲಿದೆ ಎಂದು ನಿಗಮ ಸ್ಪಷ್ಟಪಡಿಸಿದೆ. ಈಗಾಗಲೇ ಸಾಮಾನ್ಯ ಪ್ರಯಾಣ ದರ ಹೆಚ್ಚಳದಿಂದ ಜನರಲ್ಲಿ ಅಸಮಾಧಾನ ವ್ಯಕ್ತವಾಗಿರುವ ಸಂದರ್ಭದಲ್ಲೇ, ಸಾಂದರ್ಭಿಕ ಒಪ್ಪಂದದ ಬಸ್‌ಗಳ ದರ ಏರಿಕೆ ಶಾಲೆಗಳು, ಖಾಸಗಿ ಸಂಸ್ಥೆಗಳು, ಪ್ರವಾಸ ಆಯೋಜಕರು ಮತ್ತು ಸಾರ್ವಜನಿಕರ ಮೇಲೂ ಹೆಚ್ಚುವರಿ ಆರ್ಥಿಕ ಹೊರೆ ಬೀಳುವ ಸಾಧ್ಯತೆ ಇದೆ.

ಸಾರಿಗೆ ವೆಚ್ಚಗಳು ನಿರಂತರವಾಗಿ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ ನಿಗಮ ತನ್ನ ಆದಾಯ ಹೆಚ್ಚಿಸಿಕೊಳ್ಳಲು ಈ ಕ್ರಮ ಕೈಗೊಂಡಿದ್ದರೂ, ಇದು ಅಂತಿಮವಾಗಿ ಸಾರ್ವಜನಿಕರ ಖರ್ಚಿನ ಮೇಲೆಯೇ ಪರಿಣಾಮ ಬೀರುವ ಸಾಧ್ಯತೆ ಇದೆ. ಹೀಗಾಗಿ ಇತ್ತೀಚಿನ ಬಸ್‌ ಭಾಡಿಗೆ ಏರಿಕೆಯ ನಂತರ ಮತ್ತೊಮ್ಮೆ ದರ ಪರಿಷ್ಕರಣೆ ಮಾಡಿರುವುದು ಚರ್ಚೆಗೆ ಕಾರಣವಾಗಿದೆ.