OPS ಯೋಜನೆಗೆ ಪ್ರಾಥಮಿಕ ಶಾಲಾ ಸಹ ಶಿಕ್ಷಕರ ಸೇರ್ಪಡೆ – ಸರ್ಕಾರದ ಮಹತ್ವದ ನಿರ್ಧಾರ

OPS ಯೋಜನೆಗೆ ಪ್ರಾಥಮಿಕ ಶಾಲಾ ಸಹ ಶಿಕ್ಷಕರ ಸೇರ್ಪಡೆ – ಸರ್ಕಾರದ ಮಹತ್ವದ ನಿರ್ಧಾರ

OPS ಯೋಜನೆಗೆ ಪ್ರಾಥಮಿಕ ಶಾಲಾ ಸಹ ಶಿಕ್ಷಕರ ಸೇರ್ಪಡೆ – ಸರ್ಕಾರದ ಮಹತ್ವದ ನಿರ್ಧಾರ

ಬೆಂಗಳೂರು, ಸೆ. 5- ರಾಜ್ಯ ಸರ್ಕಾರವು ಪ್ರಾಥಮಿಕ ಶಾಲಾ ಸಹ ಶಿಕ್ಷಕರಿಗೆ ಮಹತ್ವದ ನಿರ್ಧಾರ ಕೈಗೊಂಡಿದೆ. ದಿನಾಂಕ 01.04.2006ರ ಪೂರ್ವದಲ್ಲಿನ ನೇಮಕಾತಿ ಅಧಿಸೂಚನೆಗಳ ಮೂಲಕ ಆಯ್ಕೆಗೊಂಡು ಆ ದಿನಾಂಕದಂದು ಅಥವಾ ತದನಂತರದಲ್ಲಿ ಸೇವೆಗೆ ಸೇರಿದ ಸಹ ಶಿಕ್ಷಕರನ್ನು ಹಳೆಯ ಡಿಫೈನ್ಡ್ ಪಿಂಚಣಿ (OPS) ಯೋಜನೆಗೆ ಒಳಪಡಿಸಲು ಸರ್ಕಾರ ಆದೇಶ ಹೊರಡಿಸಿದೆ.

ಆದೇಶದ ಹಿನ್ನೆಲೆ

2024ರ ಜನವರಿ 24ರಂದು ಹೊರಡಿಸಲಾದ ಸರ್ಕಾರಿ ಆದೇಶದನ್ವಯ OPSಗೆ ಅರ್ಹರಾದ ನೌಕರರ NPS ಖಾತೆಗಳಲ್ಲಿ ಜಮೆಯಾಗಿರುವ ವಂತಿಗೆಗಳನ್ನು ಹಿಂಪಡೆಯುವ ಮಾರ್ಗಸೂಚಿ ನೀಡಲಾಗಿತ್ತು.

ಶಾಲಾ ಶಿಕ್ಷಣ ಇಲಾಖೆಯ ವಿವಿಧ ಆಯುಕ್ತರು ಹಾಗೂ ನಿರ್ದೇಶಕರು ಸಲ್ಲಿಸಿದ ಪ್ರಸ್ತಾವನೆಗಳ ಪರಿಶೀಲನೆಯ ನಂತರ, 2006ರ ಏಪ್ರಿಲ್ 1ರ ಪೂರ್ವದ ನೇಮಕಾತಿ ಅಧಿಸೂಚನೆಗಳ ಮೂಲಕ ಆಯ್ಕೆಗೊಂಡ ಶಿಕ್ಷಕರು OPSಗೆ ಅರ್ಹರು ಎಂದು ದೃಢೀಕರಿಸಲಾಯಿತು.

OPSಗೆ ಒಳಗೊಂಡ ಜಿಲ್ಲೆಗಳ ಶಿಕ್ಷಕರ ಸಂಖ್ಯೆ

ಕೊಪ್ಪಳ – 101

ಕಲಬುರಗಿ – 91

ರಾಯಚೂರು – 63

ಬೆಳಗಾವಿ – 156

ಬಳ್ಳಾರಿ – 75

ಹಾವೇರಿ – 143

ವಿಜಯನಗರ – 119

ದಕ್ಷಿಣ ಕನ್ನಡ – 111

ಈ ಶಿಕ್ಷಕರಿಗೆ ಕರ್ನಾಟಕ ನಾಗರಿಕ ಸೇವಾ ನಿಯಮಾವಳಿ 2-C ಅನ್ವಯವಾಗುವುದಿಲ್ಲ. ಬದಲಿಗೆ, Part-IV Ordinary Pension ನಿಯಮಾವಳಿ ಅನ್ವಯವಾಗಲಿದೆ.