ಕಾಲಾತೀತ ಮಹಾಪುರುಷನ ಅವಿಸ್ಮರಣೀಯ ಪ್ರಯಾಣ" ಕೃತಿ ಬಿಡುಗಡೆ

ಕಾಲಾತೀತ ಮಹಾಪುರುಷನ ಅವಿಸ್ಮರಣೀಯ ಪ್ರಯಾಣ" ಕೃತಿ ಬಿಡುಗಡೆ

ಬೆಂಗಳೂರು, ಮೇ 5: ಕನ್ನಡ ಸಾಹಿತ್ಯ ಲೋಕದಲ್ಲಿ ಹೊಸ ಕಾದಂಬರಿಯೊಂದು ಇಂದು ಅಧಿಕೃತವಾಗಿ ಬಿಡುಗಡೆಗೊಂಡಿದೆ. "ಕಾಲಾತೀತ ಮಹಾಪುರುಷನ ಅವಿಸ್ಮರಣೀಯ ಪ್ರಯಾಣ" ಎಂಬ ಶೀರ್ಷಿಕೆಯೊಂದಿಗೆ ಎರ್ನೆಸ್ಟ್ ಪಿ. ಹೆಗ್ಡೆ ಅವರ ಕೃತಿ ಇಂದು ಪ್ರೆಸ್ ಕ್ಲಬ್‌ನಲ್ಲಿ ಬಿಡುಗಡೆಗೊಂಡಿತು.

ಈ ಕಾದಂಬರಿಯನ್ನು ಲೇಖಕರು ಯಜ್ಞದಾಳದ ಕಾದಂಬರಿ ಎಂದು ಪರಿಚಯಿಸಿದ್ದು, ಮಾನವ ಜೀವನದ ಅರ್ಥವನ್ನು ಹೃದಯ, ಭಾವನೆ, ಸಂವೇದನೆ ಮತ್ತು ಸಂತೋಷದ ಮೂಲಕವೇ ಕಂಡುಕೊಳ್ಳಬಹುದು ಎಂಬ ಸಂದೇಶವನ್ನು ಸಾರುತ್ತದೆ.

ಕಾದಂಬರಿಯು ಮಹಾಪುರುಷನ ಜೀವನಯಾನವನ್ನು ಕಥೆಯ ರೂಪದಲ್ಲಿ ನಿರೂಪಿಸುತ್ತಿದ್ದು, ಆತನು ಅನುಭವಿಸಿದ ಸಂಕಷ್ಟಗಳು, ತತ್ತ್ವಗಳು ಮತ್ತು ಸಮಾಜಕ್ಕೆ ನೀಡಿದ ಸಂದೇಶಗಳನ್ನು ಓದುಗರಿಗೆ ತಲುಪಿಸುತ್ತದೆ. ಕೇವಲ ಕಥೆಯಲ್ಲ, ಇದು ಜೀವನದ ತತ್ತ್ವವನ್ನು ಅರಿಯುವ ಆಧ್ಯಾತ್ಮಿಕ ಪಯಣವಾಗಿದೆ.

. ಕಾರ್ಯಕ್ರಮದಲ್ಲಿ ಸಾಹಿತ್ಯಾಸಕ್ತರು, ಪತ್ರಕರ್ತರು ಹಾಗೂ ಓದುಗರ ಹಾಜರಿದ್ದರು. ಕೃತಿಯ ಮಹತ್ವವನ್ನು ವಿವರಿಸಿದ ಲೇಖಕ ಹೆಗ್ಡೆ, “ಈ ಕಾದಂಬರಿ ಮಾನವೀಯ ಮೌಲ್ಯಗಳನ್ನು ಅರಿಯುವ ಪ್ರಯತ್ನ” ಎಂದು ಹೇಳಿದರು. ಕನ್ನಡ ಸಾಹಿತ್ಯ ವಲಯದ ಗಣ್ಯರು ಕೃತಿಯ ಕುರಿತು ತಮ್ಮ ಅಭಿಪ್ರಾಯಗಳನ್ನು ಹಂಚಿಕೊಂಡರು.

ಸಾಮಾನ್ಯ ಓದುಗರಿಗೆ ಇದು ಪ್ರೇರಣಾದಾಯಕ ಕಥೆಯಾಗಿ ಪರಿಣಮಿಸುವುದರೊಂದಿಗೆ, ಆಧ್ಯಾತ್ಮಿಕ ಆಸಕ್ತರಿಗೆ ಆತ್ಮಶೋಧನೆ ಮತ್ತು ಮಾನವೀಯತೆ ಕುರಿತಾದ ಆಳವಾದ ಸಂದೇಶವನ್ನು ನೀಡುತ್ತದೆ. ಸಾಹಿತ್ಯಾಸಕ್ತರಿಗೆ ಇದು ಕನ್ನಡ ಕಾದಂಬರಿಯ ಆಧುನಿಕ ಪರಂಪರೆಯಲ್ಲಿ ತತ್ತ್ವ ಮತ್ತು ಕಥನಶೈಲಿಯ ಸಂಯೋಜನೆಯ ಉದಾಹರಣೆಯಾಗಿದೆ.