“ಬಸ್ ಅಲ್ಲ, ಬಸ್ ತಂಗುದಾಣ!” – ಗುರುಪುರದ ಹೊಸ ಆಕರ್ಷಣೆ ಜನಮನ ಸೆಳೆಯುತ್ತಿದೆ

“ಬಸ್ ಅಲ್ಲ, ಬಸ್ ತಂಗುದಾಣ!” – ಗುರುಪುರದ ಹೊಸ ಆಕರ್ಷಣೆ ಜನಮನ ಸೆಳೆಯುತ್ತಿದೆ

“ಬಸ್ ಅಲ್ಲ, ಬಸ್ ತಂಗುದಾಣ!” – ಗುರುಪುರದ ಹೊಸ ಆಕರ್ಷಣೆ ಜನಮನ ಸೆಳೆಯುತ್ತಿದೆ

From Jayara Udupi

ಮಂಗಳೂರು :
ನೋಡಲು ಬಸ್ ನಂತೆ ಕಾಣುತ್ತದೆ, ಆದರೆ ಬಸ್ ಅಲ್ಲ. ಬಸ್ ಚಲಿಸುತ್ತದೆ, ಇದು ಚಲಿಸುವುದಿಲ್ಲ, ಹಾಗಾದರೆ ಏನಿದು ಎಂಬ ಒಗಟು ಬಿಡಿಸಲು ಗುರುಪುರದ ಈ ಬಸ್ ನೋಡಿ..

ಬಸ್‌ನಂತೆಯೇ ಇದೆ ಈ ಬಸ್ ತಂಗುದಾಣ! ಇದೀಗ ಗುರುಪುರದ ಬಂಡಸಾಲೆಯ ಹೊಸ ಆಕರ್ಷಣೆ.

ಮಂಗಳೂರು ನಗರ ಹೊರವಲಯದ ಗುರುಪುರ ಸಮೀಪದ ಬಂಡಸಾಲೆ ಎನ್ನುವಲ್ಲಿ V2 Guys ಗುರುಪುರ ಯುವ ಬಳಗಕ್ಕೆ ಹೊಸ ಆಲೋಚನೆ ಮೂಡಿತು. ಬಸ್ ಓಡುವ ಹಾದಿ ಬದಿಯಲ್ಲಿ ಬಸ್ ನಂತೆಯೇ ಇರುವ ಬಸ್ ನಿಲ್ದಾಣ ಮಾಡಿದರೆ ಹೇಗೆ ಅಂತ. ಅದನ್ನು ಕಾರ್ಯರೂಪಕ್ಕೆ ತಂದಾಗ ಮೂಡಿದ್ದೇ ಈ ಬಸ್ ತಂಗುದಾಣ. ಅದೀಗ ಜನ ಮನ ಸೆಳೆಯುತ್ತಿದೆ.

ಸುಮಾರು 7 ಲಕ್ಷ ರೂ.ಮೊತ್ತದಲ್ಲಿ ಈ ಬಸ್ ತಂಗುದಾಣವನ್ನು ನಿರ್ಮಿಸಲಾಗಿದೆ. ದೂರದಿಂದ ನೋಡಿದರೆ ಥೇಟ್ ಬಸ್ ನಂತೆ. ಆದರೆ ಹತ್ತಿರ ಹೋಗಿ ನೋಡಿದರೆ ಬಸ್ ನಂತಿರುವ ಬಸ್ ತಂಗುದಾಣ. ನಾವಿನ್ಯತೆಯ ಜೊತೆ ಕ್ರಿಯಾಶೀಲತೆಯೂ ಸೇರಿದರೆ ಏನಾಗುತ್ತದೆ ಎಂಬ ಸಂದೇಶ ಸಾರುತ್ತಿದೆ ಈ ಬಸ್ ತಂಗುದಾಣ.