ಕರ್ನಾಟಕ ಸರ್ಕಾರ ಮಹಿಳಾ ಸರ್ಕಾರಿ ನೌಕರರಿಗೆ ಮಾಸಿಕ ರಜೆಯನ್ನು ಸ್ವಯಂಚಾಲಿತವಾಗಿ ಮಂಜೂರು ಮಾಡುವ ಮಹತ್ವದ ಸುತ್ತೋಲೆ

ಕರ್ನಾಟಕ ಸರ್ಕಾರ ಮಹಿಳಾ ಸರ್ಕಾರಿ ನೌಕರರಿಗೆ ಮಾಸಿಕ ರಜೆಯನ್ನು ಸ್ವಯಂಚಾಲಿತವಾಗಿ ಮಂಜೂರು ಮಾಡುವ ಮಹತ್ವದ ಸುತ್ತೋಲೆ

ಕರ್ನಾಟಕ ಸರ್ಕಾರ ಮಹಿಳಾ ಸರ್ಕಾರಿ ನೌಕರರಿಗೆ ಮಾಸಿಕ ರಜೆಯನ್ನು ಸ್ವಯಂಚಾಲಿತವಾಗಿ ಮಂಜೂರು ಮಾಡುವ ಮಹತ್ವದ ಸುತ್ತೋಲೆ

ಬೆಂಗಳೂರು . ಅ . ೫-
ಕರ್ನಾಟಕ ಸರ್ಕಾರ ಮಹಿಳಾ ಸರ್ಕಾರಿ ನೌಕರರಿಗೆ ಮಾಸಿಕ ರಜೆಯನ್ನು ಸ್ವಯಂಚಾಲಿತವಾಗಿ ಅನುಮೋದಿಸುವ ಕುರಿತು ಮಹತ್ವದ ಸರ್ಕ್ಯುಲರ್ ಪ್ರಕಟಿಸಿದೆ. ಅಕ್ಟೋಬರ್ 5, 2026ರಂದು ಪ್ರಜಾ ಸೇವಾ ಇಲಾಖೆಯ ಪ್ರಧಾನ ಕಾರ್ಯದರ್ಶಿ ಹರ್ಷ್ ಗುಪ್ತಾ ಸಹಿ ಮಾಡಿದ ಈ ಆದೇಶದ ಪ್ರಕಾರ, ಕಾರ್ತವ್ಯ ಆಪ್ ಮೂಲಕ ಅರ್ಜಿ ಸಲ್ಲಿಸಿದರೆ ಮಹಿಳಾ ನೌಕರರಿಗೆ ಪ್ರತಿ ತಿಂಗಳು ಒಂದು ದಿನದ ಮಾಸಿಕ ರಜೆ ತಕ್ಷಣವೇ ಮಂಜೂರಾಗಲಿದೆ.

ಹಿಂದಿನಂತೆ ಕೆಲವು ಅಧಿಕಾರಿಗಳು ಈ ರಜೆಯನ್ನು ಅನುಮೋದಿಸಲು ಹಿಂಜರಿದಿದ್ದು, ವೈದ್ಯಕೀಯ ಪ್ರಮಾಣ ಪತ್ರವನ್ನು ಕೇಳುವಂತಹ ಅಡೆತಡೆಗಳನ್ನು ಸೃಷ್ಟಿಸುತ್ತಿದ್ದರು. ಸರ್ಕಾರವು ಇದನ್ನು ಸ್ಪಷ್ಟವಾಗಿ ವಿರೋಧಿಸಿ, ಯಾವುದೇ ವೈದ್ಯಕೀಯ ಪ್ರಮಾಣ ಪತ್ರವಿಲ್ಲದೆ ಈ ಸೌಲಭ್ಯವನ್ನು ನೀಡಲಾಗಿದೆ ಎಂದು ತಿಳಿಸಿದೆ. ಆದ್ದರಿಂದ ಅರ್ಜಿ ಸಲ್ಲಿಸಿದರೆ ತಕ್ಷಣವೇ ರಜೆ ಮಂಜೂರಾಗಬೇಕು, ಅಧಿಕಾರಿಗಳಿಗೆ ನಿರಾಕರಿಸುವ ಅಧಿಕಾರವಿಲ್ಲ ಎಂದು ಸರ್ಕ್ಯುಲರ್‌ನಲ್ಲಿ ಹೇಳಲಾಗಿದೆ.

ಕಾರ್ತವ್ಯ ಆಪ್‌ನಲ್ಲಿ ಈಗ ಸ್ವಯಂಚಾಲಿತ ವ್ಯವಸ್ಥೆ ಅಳವಡಿಸಲಾಗಿದೆ. ಅರ್ಜಿ ಸಲ್ಲಿಸಿದಾಗ ಆಪ್ ಕೆಳಗಿನ ನಿಯಮಗಳನ್ನು ಪರಿಶೀಲಿಸುತ್ತದೆ: ಅರ್ಜಿದಾರ್ತಿ 18 ರಿಂದ 52 ವರ್ಷದೊಳಗಿನ ಮಹಿಳಾ ಸರ್ಕಾರಿ ನೌಕರರಾಗಿರಬೇಕು, ತಿಂಗಳಿಗೆ ಒಂದು ದಿನಕ್ಕಿಂತ ಹೆಚ್ಚು ರಜೆ ಪಡೆಯಲು ಅವಕಾಶವಿಲ್ಲ, ರಜೆ ಸಂಗ್ರಹಿಸಿಕೊಳ್ಳಲು ಅಥವಾ ಮುಂದಕ್ಕೆ ಸಾಗಿಸಲು ಅವಕಾಶವಿಲ್ಲ, ಮತ್ತು ಈ ರಜೆಯನ್ನು ಬೇರೆ ಯಾವುದೇ ರಜೆಯೊಂದಿಗೆ ಸೇರಿಸಲು ಅವಕಾಶವಿಲ್ಲ.

ಸರ್ಕ್ಯುಲರ್ ಪ್ರಕಾರ ಎಲ್ಲಾ ಇಲಾಖೆಗಳು ಹಾಗೂ ಉಪ ಕಚೇರಿಗಳು ಮಹಿಳಾ ನೌಕರರಿಗೆ ಈ ಮಾಹಿತಿಯನ್ನು ತಲುಪಿಸಬೇಕು. ಕಾರ್ತವ್ಯ ಆಪ್ ಮೂಲಕವೇ ಅರ್ಜಿ ಸಲ್ಲಿಸಬೇಕು ಮತ್ತು ಆಪ್ ಮೂಲಕ ಮಂಜೂರಾದ ರಜೆಯನ್ನು ಯಾವುದೇ ಅಧಿಕಾರಿಗಳು ತಡೆಹಿಡಿಯಬಾರದು, ಪ್ರಶ್ನಿಸಬಾರದು ಅಥವಾ ರದ್ದುಪಡಿಸಬಾರದು ಎಂದು ಸ್ಪಷ್ಟ ಸೂಚನೆ ನೀಡಲಾಗಿದೆ.

ಈ ಕ್ರಮದಿಂದ ಮಹಿಳಾ ಸರ್ಕಾರಿ ನೌಕರರಿಗೆ ನೀಡಲಾದ ಹಕ್ಕು ತಕ್ಷಣವೇ ಲಭ್ಯವಾಗುವಂತೆ ಮಾಡಲಾಗಿದ್ದು, ಪ್ರಕ್ರಿಯೆಯಲ್ಲಿ ಇರುವ ಅಡೆತಡೆಗಳನ್ನು ನಿವಾರಿಸಲಾಗಿದೆ.